更多謝妳邀請我一家與契爺同遊廸士尼 !
所以Good Friday, 熊貓都去廸士尼~
雖然天氣密雲，但好乾爽同舒服 (咦!? 咁似啲女士用品廣告嘅 ?)
因車程較長，爹地、媽咪，我瞓一陣先，
到咗廸士尼先叫醒我啦 !
咦!? 有小小陽光刺眼同熱鬧嘅人聲 ?
邊度嚟? 仲有吹泡泡，何方仙境？
莫非，呢度就係小朋友嘅仙境~廸士尼 ?!
媽咪，我想落車去捉啲"波波"（泡泡）．．．
點解捉唔到嘅？
唔好走呀！
契爺？契媽？！～
媽咪，肚仔餓，食完奶奶，我要去玩巴斯光年．．．
浚浚哥哥：不如你食完奶，抖一陣先玩啦，
入去米奇大屋坐吓先啦！
媽咪，嗰邊有巡遊睇呀～
睇唔到呀，抱我前啲睇吖！～
仲差少少，再抱高我少少，好似隔離哥哥咁高．．．
爹地，我見到胡狄、巴斯光年、米奇同米尼，
咦Pooh Pooh 呢？
爹地、契爺，帶我去搵Pooh Pooh吖!?~
嘩，又有"波波"(泡泡) 呀．．．
咦?! 爹地，你拎住啲乜野嚟～
好嘢，媽咪．．．
媽咪：嚟啦，過嚟楂住，多謝爸爸啦。
呀．．．Pooh 呀～
契爺：好啦，我哋去玩巴斯光年啦．．．
入面好黑呀！媽咪，好驚呀！～
媽咪：傻豬，唔駛驚．．．
杜比：好得意喎，阿B戴嚟睇吓？
大家：嘩．．哈哈．．
小比比：我仲有啲驚驚呀，你哋仲喺度笑．．（有啲忟憎）
媽咪：好啦，媽媽"庵"你瞓一陣啦～
契爺：唔知阿B夠唔暖呢？
契媽、廸士尼，再見啦，
我遲啲會帶爹地、媽咪過澳門探妳同浚浚哥哥！
